ඔන්න Techකතා තෙවන වැඩසටහනටත් ආවා. ලොකු දුරක් ඉතාම කෙටි කාලයකින් ආවා කියලා හිතෙනවා. ඒ වගේම 13 වන සිකුරාදා තමයි Techකතා පටිගත කිරීම ආරම්භ කරේ. ඉවර වෙනකොට නම් සෙනසුරාද උදේ 1 වෙලා. මොකද අපේ කන්ඩායම ගොඩක් කාර්ය බහුල වෙලා දවල් කාලයේ, ඉතින් මුනගැහුනේ රෑ වෙලා. සමහර අය ආවෙම නෑහැ. ඒ අය සුපුරුදු පරිදි අපි Skype මගින් සම්බන්ධ කරගත්තා. මොකක්ද මේ කාර්ය බහුල වෙන්න හේතුව? පෙබරවාරි 14 සමරන්න ලක ලැහැස්ති වීම තමයි හේතුව. කාලිංග, තිලිණ සහ බුද්ධික තමයි කලින් ඇවිත් උඩ බලාගෙන හිටියෙ 😀
අද වැඩසටහනේ දී Windows සමග ඇතිවන සිංහල යුනිකෝඩ් ගැටලු සම්බන්ධව අදහස් දැක්වීමට දසුන් සමීර ආරාධිත අමුත්තෙකු ලෙස සහබාගි වෙනවා. මෙවර වැඩසටහන අපේ පසුගිය වැඩසටහන් හා සැසදීමේදී තරමක් දිග වැඩසටහනක්. මන්දගාමී අන්තර්ජාල සම්බන්ධතා ඇති අපේ හිතවතුන් සදහා අඩු ශ්රවන තත්වයක් යටතේ කොටස් දෙකක් ලෙස සම්පූර්න වැඩසටහන ඩවුන්ලෝඩ් කිරීමේ පහසුකම ද සුපුරුදු පරිදි අපි ඔබ වෙත ගෙන එනවා.
මෙන්න අද වැඩසටහනේ ඇතුලත් කරුනු….
- MySQL Error: can’t connect to the MySQL Server. (උපකාරක පුරුක)
- Apache Tomcat issue (උපකාරක පුරුක 1, උපකාරක පුරුක 2)
- Mandriva Linux 2009 මත Sinhala Unicode ස්තාපනය කිරීම (උපකාරක පුරුක 1, උපකාරක පුරුක 2)
- Ubuntu CD නොමිලේ ලබාගැනීම (උපකාරක පුරුක)
- Mailing List සහ Forum භාවිතයේදී සැලකිලිමත් විය යුතු දෑ
- Free domain එකක් WordPress සමග නොමිලේ දෙන hosting සේවාව සමග භාවිතා කිරීම
- Linux Mint ගැන හැදින්වීමක් සහ ස්තාපනය (උපකාරක පුරුක)
- Web development සදහා ලිනක්ස්.
- ලිනක්ස් ස්තාපනයේදී සැලකිලිමත් විය යුතු දෑ
- Software engineer කෙනෙකු වීමට මග පෙන්වීමක් සහ අපේ අත්දැකීම්
- Programming language එකක් ලෙස ජාවා ඉගෙනීම (උපකාරක පුරුක1, උපකාරක පුරුක2, උපකාරක පුරුක3)
- 3G Mobile Phone එකක් අන්තර්ජාලයේ සැරිසැරීමට භාවිතා කිරීම සුදුසුද?
- USB pen drive සමග පැනනගින ගැටලු
- ඉලෙක්ට්රොනික උපකරන මිලදී ගැනීමේදී සැලකිය යුතු දෑ
- Dual Layer සහ 4.7GB DVD
- CD එකකට 700MB වඩා Data දැමීම (උපකාරක පුරුක)
- Huawei E220 මොඩම් එක Unlock කිරීම (උපකාරක පුරුක)
- Skype call එකක් පට්ගත කිරීම (VoiceMail) (උපකාරක පුරුක)
- Techපුවත්: Kindle 2 Ebook කියවනය (උපකාරක පුරුක)
- Techපුවත්: Unix Time එක 1234567890 ලෙස දිස්වීම (උපකාරක පුරුක)
- Techපුවත්: A/L සදහා ICT විෂයක් ලෙස හදුන්වා දීම
- Techපුවත්: සිංහල Firefox 3.1 (උපකාර පුරුක)
- Techපුවත්: WordPress 2.7.1 සිංහල අනුවාදය (උපකාර පුරුක)
- Sinhala Unicode Help: දසුන් සමීර සමග සංවාදය
- Sinhala Unicode Help: Windows XP SP3 සිංහල ගැටලුව. (උපකාරක පුරුක 1, උපකාරක පුරුක 2)
- Sinhala Unicode Help: සිංහල යුනිකෝඩ් ස්තාපනය සහ සිංහල යතුරු පුවරු (විජේසේක යතුරු පුවරුව, සිංහල යතුරු පුවරු, සිංහල ස්තාපනය)
- Sinhala Unicode Help: Google Chrome මත සිංහල ලිවීමේදී ඇතිවන ගැටලුව (Chrome Channel Selector)
- Sinhala Unicode Help: Windows 7 සිංහල සහාය
- Gameකාමරය: කොපි කරන ලද Game CD Windows Vista මත භාවිතය
- Gameකාමරය: Network Games අන්තර්ජාලය හරහා ක්රීඩා කිරීම (උපකාර පුරුක1, උපකාරක පුරුක2)
- Gameකාමරය: ශ්රී ලංකාවේ අන්තර්ජාල සම්බන්ධතා සමග Network Games භාවිතා කිරීමේ ගැටලු
- Techකතා වෙනුවෙන් අපි ඔබෙන් බලාපොරොත්තු වන උපකාර
මෙන්න මෙහෙමයි මෙවර වැඩසටහන හැදුනේ…,
පටිගත කිරීමට කාලිංග, බුද්ධික සහ තිලිණ කොළඹ සිටත්, ඩනිෂ්ක, හර්ෂ සහ මලින්ත නිවෙස්වල සිට Skype හරහාත් සම්බන්ධ උනා.
Audacity මගින් පටිගත කිරීම.
Subscribe: Apple Podcasts | Spotify | Amazon Music | TuneIn | Deezer | RSS | How to listen
මේක High speed play වෙනවා කියන දේ තේරෙන්නේ නෑ.
මම ඇහුවෙ shiretoko එකෙන්
සයිට් එකට ලින්ක් කරන්ට බැනර්, බට්න්, වගේ දෙයක් ඩිසයින් කරල තියනවනම් ලින්ක් බැක් එකක් දෙන්න ලේසියි නේද ?
@ගයාන් තාරක
මටනම් ගැටලුවක් නෑ, Firefox 3, IE 8B2, Chrome 2.0, Safari.
පොඩක් shiretoko වලින් බලන්නම්, ඔයගේ OS එක මොකද්ද ?
@ගයාන් කල්හාර
ඉක්මනටම ඒක කරලා දාන්නම්.
ඔන්න මගේ බ්ලොග් එකෙන් ලින්ක් එකක් දැම්මා.
පොඩි යෝජනාවක් තියෙනවා.
කට්ටිය අහන ප්රශ්න අනිත් අයට බලන්න පුළුවන් ක්රමයක් තිබුනොත් නරකද? එතකොට හැමොටම ලොකු උදව්වක් වෙයි
උදාහරණයක් විදියට මට web hosting ගැන ගැටළුවක් තියෙනවා කියල හිතමු. ඒ ගැන මම මෙතැන කිව්වම ඒ ගැටළුව තියෙන අනිත් අයත් මෙතැන ඔවුන්ගේ ප්රශ්නය නැවත ඉදිරිපත් කිරීමෙන් වැලකෙන්න පුළුවන් වගේම තවත් කාට හරි ඒ සම්බන්ධ ගැටළුවක් තියෙනවා නම් මගේ ගැටළුවත් එක්කම ඉදිරිපත් කරන්න පුළුවන්. ඒ සම්බන්ද ගොඩක් අයට ගැටළු තියෙනවා නම් ඒ ගැනම වැඩසටහනක් කරන්නත් පුළුවන්නේ.
මේන නිකම් මෝඩ යෝජනාවක් වෙන්නත් පුළුවන්.මේක නිකම් මගේ අදහසක් විතරයි. ක්රියාත්මක කරන්න පුළුවන්ද දන්නෙත් නෑ.
මම shiretoko(on windows Xp sp2) භාවිතා කරලා 64Kbps හා 32Kbps version පරීක්ෂා කරලා බැලුවා high speed play වෙන ප්රශ්නයක් නම් ආවේ නෑ.
මම shiretoko(on windows Xp sp2) භාවිතා කරලා 64Kbps හා 32Kbps versions පරීක්ෂා කරලා බැලුවා high speed play වෙන ප්රශ්නයක් නම් ආවේ නෑ.
@ ගයාන්
මට නම් shiretoko මඟින් වෙනසක් පෙන්න නැ
@පහන් ස්තුතියි!
@පහන්
අපි මීටකලින් මේ ගැන කිව්වා පසුගිය වැඩසටහනේ.
මිඩියා විකි වගේ දෙයක් භාවිත කරන්න සැලසුම් කරමින් ඉන්නේ.
“මේන නිකම් මෝඩ යෝජනාවක් වෙන්නත් පුළුවන්.මේක නිකම් මගේ අදහසක් විතරයි. ක්රියාත්මක කරන්න පුළුවන්ද දන්නෙත් නෑ.”
නැහැ කිසිසේත්ම නැ. ඔබේ අදහස් අපට වටිනවා.
සැලෙන්න එපා 🙂
මේපාරත් හොදටම කළා.සෙනසුරාදා වෙනකමි බලාගෙන ඉන්නේ අහන්න.මටත් සිංහල ටයිප් ගැටලු තියෙනවා.අද යුනිකෝඩි කතාව ප්රයෝජනවත් වුනා.මේක ත් ඹන්ලයින් යුනිකෝඩි කීබෝඩි එකක්.දිගු ගමනකට සුභපැතුමි.
nishan
මේක Techකතා 4 වෙනි වැඩසටහන නේද?
@ගයන්ත
හතර කියන්නේ අපේ හදුන්වාදීමේ වැඩසටහනත් එක්ක, නැත්නම් 3වන එක හරියටම. පොඩක් පැටලුම් සහිතයි තමයි. 🙂
අයියලාට ගොඩා…..ක් ස්තුතියි! මට අවශ්ය පිලිතුර ඕනෙවටත් වඩා ලැබුනා. ඕගොල්ලො කියපු ඒවා සීයට 200 ම හරි! කියල යි මට හිතෙන්නෙ…. ගොඩක්ම ස්තුතියි……! ඔබලාට ජය! දිගටම කරගෙන යන්න!
මම දාගෙන ඉනනේ ධනිෂ්ක අයියා එවපු ලින්ක් එකේ තිබුන Shiretoko එක.පාවිච්චි කරන්නේ Laptop එකේ තියෙන Windows XP Media Center Version 2002 SP2 OS එක. හැබයි 123 වැඩසටහන් ටික සාමාන්ය විදියට ඇහෙනවා. 4 වන වැඩසටහන විතරයි එහෙම වෙන්නෙ. මම ඒ රෙකෝඩ් කරා.
මට ඇහෙන විදිය
@ගයාන් තාරක
පොඩක් ඔයාගේ flash player එක update කරලා බලන්න, ඔයා download කරල play කරන්න, මටනම් පේන්නේ මේක flash ගැටලුවක් කියලා.
හරි download කරල play කරාම හරි.ඒත් එකක විතරක් එහෙම වෙන්න හේතුව මොකක්ද? අනිත් ඒවා හරියට play වෙද්දී ඒක විතරක් එහෙම වෙන්නෙ ඇයි?
@ගයාන් තාරක
“පොඩක් ඔයාගේ flash player එක update කරලා බලන්න,”
“මටනම් පේන්නේ මේක flash ගැටලුවක් කියලා”
ඇත්තටම flash player එක update කරාම හරිගියා.
බොහොම ස්තූතියි.
ඇත්තටම මමත් හිතුවෙනෑ මෙච්චර ඉක්මනට විසදුමක් හොයා ගන්න පුළුවන් කියලා.
ඇත්තටම මේක ගොඩාක් හොද වැඩසටහනක්.
ගොඩාක් දුර යන්න මගෙනුත් සුභ පැතුම්.
ඇත්තටම ඔයාලගෙ මේ වැඩේ හුගාක් හොදයි !. ඔයාල දැනට වැඩසටහන ඉදිරිපත් කරන විදිහෙ ප්රශ්නයක් නැහැ (මේ විදිහ හොදයි !). ප්රොෆෙෂනල් කරන්න යන්න එපා, චා වෙයි හී හී හී….. මම පොඩ්කාස්ට් අහන්න පුරුදුවුනේ ඔයාලගෙ මේ වැඩේ නිසයි….
මගේ උනුසුම් සුභ පැතුම් !
කෝලමා
Sinhala Unicode Help: Windows XP SP3 සිංහල ගැටලුව –
Hey guys really thankful to yoll for discussing above mentioned Question.I was using SP3 & i had this trouble .where sinhala letters showing mumbo jumbo manner.Finally i think i found a solution for it.Sorry couldn’t write any on sinhalese.Still a beginner on that.Next time i’ll do it on Sinhala ..Best of Luck – Keep up d good work
ඉද්දාගෙ ප්රශ්නයට දීපු පිළිතුරත් එක්ක මගෙත් ප්රශ්න කීපයක් විසඳුණා. බොහෝම තුති ඉද්දට සහ ටෙක් කතා කණ්ඩායමට.
ගිය සතියෙම busy වෙච්ච නිසා, 4 වෙනි වැඩසටහන download කරන්න හම්බවුනේ ඊයෙ (බ්රහස්පතින්දා) රෑ. Download කරල ඉවර වුනේ සිකුරාදා පාන්දර 12.30 ට. උදේට වැඩට යන්නත් තියන නිසා විනාඩි 15ක් විතර අහල නිදාගන්නව කියල හිතුවා. ඒත් අහල ඉවර වෙනකොට පාන්දර 2.20 යි. වෙලාව යනවා දැනුනෙවත් නැහැ. වැඩේ කොච්චර හොදද කියලා ඒකෙන්ම පේනවා.
සුබ පැතුම් !!!!!!!
කොලඹ කලබලයෙන් ප්රශ්නයක් නෑද්ද? පරිස්සමින් වැඩසටහන කරන්න.
අදට නියමිතව තිබු 5වන පටිගත කිරීම නම් ප්රමාද වුනා. එත් දැන් යළි පටිගත කිරීම යළි ඇරඹුනා. 🙂
අපි මග බලාගෙන ඉන්නේ
අද දවස ඇතුලත දාන්න පුලුවන් වෙයි. තවම වැරදුන තැන් හදනව 🙂